Астанада Орталық Азияның бес елінің президенттері қандай құжаттарға қол қойды

Орталық Азия мемлекеттері басшыларының VI Консультативтік кездесуінің қорытындысы бойынша президенттер мынадай құжаттарға қол қойды:

1. Орталық Азия мемлекеттері басшыларының VI Консультативтік кездесуінің қорытындысы бойынша Орталық Азия мемлекеттері басшыларының Бірлескен мәлімдемесі;
2. "Орталық Азия – 2040" аймақтық кооперацияны дамыту тұжырымдамасы;
3. Орталық Азия мемлекеттері басшыларының VI Консультативтік кездесуінің "Өзбекстан Республикасының Президенті Шавкат Миромонович Мирзиёевті Орталық Азия мемлекеттері басшыларының Құрмет белгісімен марапаттау туралы" шешімі.

Орталық Азия мемлекеттері басшыларының Бірлескен мәлімдемесі арқылы мынадай құжаттар мақұлданды:

• Аймақтық ынтымақтастықты дамыту бойынша 2025-2027 жылдарға арналған Жол картасы;
• Орталық Азия мемлекеттерінің өндірістік кооперациясын дамыту бойынша 2025-2027 жылдарға арналған іс-қимыл жоспары.

Орталық Азия мемлекеттері басшыларының VI Консультативтік кездесуі аясында ресми делегация мүшелері мынадай құжаттарға қол қойды:

1. Орталық Азия мемлекеттерінде көлік-логистикалық орталықтарын дамыту жөнінде өзара түсіністік туралы меморандум;
2. Орталық Азия мемлекеттері энергетика министрлерінің бірінші кездесуінің қорытындысы бойынша коммюнике;
3. Орталық Азия мемлекеттері көлік министрлерінің екінші кездесуінің Астана коммюникесі.

Кездесу барысында Қасым-Жомарт Тоқаев Қазақстанның өңірлік әріптестікті жан-жақты нығайтуға және Орталық Азияның әлемдік аренадағы рөлін арттыруға бағытталған стратегиялық бағыты өзгеріссіз екенін атап өтті.

"Ұлттық деңгейде біз "Табысты Орталық Азия – табысты Қазақстан" формуласын берік ұстанамыз, мен біздің аймақтың болашағы тек елдеріміз арасындағы сенімді диалог пен ынтымақтастыққа, барлық ішкі мәселелерге барабар жауап іздеуге байланысты екеніне сенімдімін Қасым-Жомарт Тоқаев

Соңында Қазақстан Президенті Өзбекстан Президенті Шавкат Мирзиеевке Консультативтік кездесудің келесі төрағасы ретінде зор табыс тіледі.

Оқи отырыңыз

Тоқаев ұлттық кинематографияны қолдауға баса мән беріліп отырғанын айтты

22:38, 24 қараша 2024

Павлодарда жасөспірімдер жантүршігерлік жол апатына тап болды: бала қайтыс болды

22:31, 24 қараша 2024

Абай облысында 15 тонна шөп өртенді

17:50, 24 қараша 2024