Тоқаев пен Рахмонның келіссөзі бейресми жағдайда жалғасты

Душанбе қаласы. Қазақстан Президенті Қасым-Жомарт Тоқаевтың Тәжікстанға мемлекеттік сапары жалғасып жатыр, деп хабарлайды Zakon.kz.

Іскерлік бағыттағы бірқатар кездесуден соң Қазақстан Президенті Қасым-Жомарт Тоқаев пен Тәжікстан Президенті Эмомали Рахмонның келіссөзі бейресми жағдайда жалғасты.

Екі елдің басшылары "Дехкада" резиденциясында таза ауада шай ішіп, екіжақты ынтымақтастықты одан әрі нығайту перспективасын талқылады.

Еске салайық, бұған дейін Қасым-Жомарт Тоқаев пен Эмомали Рахмон екіжақты келіссөздер аяқталғаннан кейін бұқаралық ақпарат құралдары өкілдеріне арнап бірлескен мәлімдеме жасаған еді.