Жетісу облысында ұсталған мас жүргізушіге қатысты сот шешімі шықты

Жетісу облысында полиция мас күйіндегі жүргізушіні ұстады. 43 жастағы ер адам Mercedes-Benz көлігін айдаған, деп хабарлайды Zakon.kz polisia.kz-ке сілтеме жасап.

Құқық бұзушылық фактісі бойынша хаттама жасалып, әкімшілік іс жүргізу басталды. Іс материалдары сотқа жіберілді, сот қатаң үкім шығарды: тәртіп бұзушы 15 тәулік мерзімге әкімшілік қамауға алынды, сонымен қатар 7 жылға дейін көлік құралын басқару құқығынан айырылды.

Ұсталған адамның көлігі арнайы автотұраққа қойылды. 

Айта кетейік, 2024 жылғы 23 тамыздағы жағдай бойынша полиция қызметкерлері 381 жүргізушіні мас күйінде ұстады.