Солтүстік Қазақстан облысында жүргізуші мектеп автобусын мас күйде айдаған

Солтүстік Қазақстан облысының полицейлері мектеп автобусын мас күйде айдаған жүргізушіні анықтады, деп хабарлайды Zakon.kz polisia.kz-ке сілтеме жасап.

Ақжар ауданында тәртіп сақшылары 10 және 12 жастағы екі оқушы, сондай-ақ мұғалім отырған мектеп автобусын тексерді.

Жүргізушіден алкогольдің иісі шығып тұрған. Медициналық куәландыру оның мас екенін көрсеткен. Аталған факті бойынша ҚР Әкімшілік құқық бұзушылық туралы кодексінің 608-бабы бойынша материал жиналды.

Сот шешімімен 45 жастағы жүргізуші 15 тәулік мерзімге қамалып, 7 жылға көлік айдау құқығынан айырылды.