Алматыда 1991 жылдан бері пайдаланылып келе жатқан 2 шақырымға жуық құбыр ауыстырылды

2024 жылы тамыздың басында Алматының Әуезов ауданында Абай даңғылымен Саин көшесінен батыс бағытта 1991 жылдан бері пайдаланылып келе жатқан құбыр ауыстырылды. Жаңарған аумақтың ұзындығы 1838 метр, деп хабарлайды Zakon.kz.

Бұл құбыр 406 көппәтерлі тұрғын үйді, 105 жеке тұрғын үйді, 4 балабақшаны, 1 денсаулық сақтау нысанын және 6 өзге де нысанды жылумен және ыстық сумен қамтамасыз етеді. Реконструкция кезінде көрсетілген аумақтағы тұтынушыларға ыстық су беру тоқтатылған жоқ.

Сурет: Алматы қаласы әкімдігінің баспасөз қызметі

Барлық жұмыс мерзімінде аяқталды, аталған учаскедегі автокөлік қозғалысы қалпына келтірілді.

Жалпы, қалада биыл 20 км жылу желілерін қайта жаңарту жоспарланып отыр. Алматының 6 ауданында жылуаралық кезеңге жоспарланған қайта жаңарту бекітілген кестеге сәйкес жүргізіледі. Оның негізгі бөлігі аяқталып келеді.

Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS пен "Яндекс карталар" сервистерінде жазылған.