Алматыда суық су беру тоқтатылады

Алматыда су құбырының технологиялық жабдықтарын ауыстыру бойынша жоспарлы профилактикалық жұмыстарға байланысты 29 тамызда ауданның бірінде су беру шектеледі, деп хабарлайды Zakon.kz.

"Алматы су" ақпаратына сәйкес, 29 тамызда сағат 9:00-ден 20:00-ге дейін көшелер ішінде орналасқан тұрғын үйлер мен басқа да ғимараттарға су беруде уақытша шектеулер енгізіледі:

Алмалы ауданы: Бөгенбай батыр – Әйтиев – Гоголь – Розыбакиев.

"Аталған қалалық секторларда суық сумен жабдықтауға уақытша шектеулер жоспарланған жұмыстардың қауіпсіздігін қамтамасыз ету үшін қажет. Уақытша қолайсыздықтарға байланысты түсіністікпен қарауыңызды сұраймыз. "Алматы су" мемлекеттік кәсіпорнының диспетчерлік қызметі: 274-66-66", — деп хабарласты мекеме.

Сондай-ақ 27 тамызда Бостандық және Алмалы аудандарында су ішінара тоқтатылады.