Палестинада полиомиелитке қарсы екпе балаларға жаппай салына бастады

Жергілікті денсаулық сақтау министрлігінің мәліметінше, 640 мың бала иммундалуы тиіс.

Палестинаның Газа секторында балаларға полиомиелитке қарсы жаппай екпе салына бастады. Жергілікті денсаулық сақтау министрлігінің мәліметінше, 640 мың бала иммундалуы тиіс.

Науқанды БҰҰ жүргізіп жатыр. Израиль вакциналау кезінде үш күн бойы 8 сағаттан атысты тоқтатуға келіскен, деп жазады qazaqstan.tv.

Газа секторында тамыздың соңында полиомиелит 9 айлық сәбиден анықталған болатын. Жұқпалы аурудың бұл түрі Газа секторында соңғы 25 жылда мүлде тіркелмегенін айта кетейік.