Қазақстандықтар қымбат нөмірлерге қанша ақша жұмсады
Сурет: gov4c.kz
"Қымбат" нөмірлерді сатып алуға ұмтылыс тұрақты өсуде: 2017 ж. жоғары сұранысқа ие 4539 мемлекеттік тіркеу нөмір белгілері (бұдан әрі — МТНБ) 1,6 млрд. теңгеден астам сомаға сатылды. 2018 ж. 14 909 МТНБ 3,5 млрд. теңгеден астам сомаға, 2019 ж. — 12 658 МТНБ 3 млрд. теңгеден астам сомаға, 2020 ж. — 3,9 млрд. теңгеге, 2021 ж. — 5,8 млрд. теңгеге, 2022 ж. — 7 млрд. теңгеден астам, ал 2023 ж. автокөлік иелері 10 млрд. теңгеден астам төледі. Бұл мәліметтерді экономист Ерлан Кәрімов келтіріп отыр, деп хабарлайды Economy.kz.
"2023 жылы ең танымал мемлекеттік нөмірлер 010, 020, 030, 040, 050, 060, 070, 077, 080, 090, 707 болды. Мұндай нөмір белгілерінің құны 2024 ж. 57 МРП (210 444 теңге) құрайды. Ең қымбат нөмірлер — 001, 002, 003, 004, 005, 006, 007, 008, 009, 777 бірдей әріптері бар, автокөлік иесіне 285 МРП (1 052 220 теңге) тұрады." Ерлан Кәрімов
Шолуда Қазақстанда "VIP нөмірлерді" сату 10 жыл бұрын енгізілгені және одан түскен қаржы республикалық бюджетке түсетіні нақтыланған.
Бұл ретте көлік нөмірлерін сатудан түскен қаражат полицияның қажеттіліктеріне және жол-көлік оқиғасынан зардап шеккен адамдарды емдеуге, сондай-ақ басқа да қайырымдылық шараларына бағытталады.
"2014 жылдан бастап Қазақстанда "VIP-нөмірлер" ресми түрде сатылымда болғанымен, сұранысқа ие аз танымал, бірақ жоғары сұранысқа ие нөмірлік белгілердің "көлеңкелі" жағы болуы мүмкін." Ерлан Кәрімов
Сарапшы көлік нөмірлерін сатудың "көлеңкелі" жағы мәселесін шешу үшін мемлекеттік нөмірлерді сатудан түскен қаржыны жергілікті бюджетке аудару ұсынылып отыр деп есептейді. Сонымен қатар, халықаралық тәжірибені пайдалануға болады.
Мысалы, БАӘ-дегідей әріптер тіркесімі жоғары сұранысқа ие нөмірлерге арнайы аукциондар өткізу ұсынылады. Сондай-ақ АҚШ тәжірибесі бойынша көлік құралын бастапқы тіркеу үшін жалпы мемлекеттік баж салығын 10 мың теңге шегіне дейін (қазіргі 16 мың теңгенің орнына) төмендету.
