Халықаралық цирк фестивалінде Қазақстанның жас әртістері күміс жүлдеге ие болды

Сурет: Алматы қаласы әкімдігінің баспасөз қызметі

"Құрмет" орденінің иегері Дәулет Досбатыровтың жетекшілігімен "Аманат" әуе белбеуінің дуэттері Данат және Данали Досбатыровтар 12-15 қыркүйек аралығында Мәскеу циркінде Ю.Никулиннің Цветной бульварында өткен "Артист" II Халықаралық цирк фестивалінде "Юниор" күміс жүлдесін жеңіп алды.

Сондай-ақ, жас артистер төрт арнайы сыйлықты иеленді: Халықаралық цирк өнері фестивалінің президенті Женис Матабоштан (Жирона қ., Испания), Баку мемлекеттік циркінің дирекциясынан (Әзірбайжан), "Sky Angels" тобынан (Өзбекстан) және режиссер, Ресейдің еңбек сіңірген өнер қайраткері Александр Гримайлодан арнайы сыйлық.

Айтпақшы, Данат пен Данали Фестивальдің ең жас қатысушылары болды, Данат — 10 , ал Данали 8 жаста.

"Артист" цирк өнері фестиваліне әлемнің 17 елінен 87 артист қатысты. Фестивальдің жүлделері үшін тәжірибелі әртістер де, балалар да бақ сынасты.

Бұл бірегей цирк байқауы болды. Беделді қазылар алқасы қатысушылардың шеберлігін бағалады.

"Екі конкурстық күнде және Гала-шоуда халықаралық қазылар алқасы мен көрермендер "Аманат" нөміріне қошемет көрсетті, бұл үлкен қуаныш пен мақтаныш. Біздің нөмірімізді кәсіби артистер, фестивальдің режиссерлік — сахналау тобы ерекше атап өтті. Ресейдегі ең көне Цирктердің бірінде, аңызға айналға артистер жұмыс істеген манежде өнер көрсету біз үшін үлкен мәртебе", — деді "Аманат" нөмірінің қоюшы-режиссері Дәулет Досбатыров.

Оқи отырыңыз