"Сіз Қазақстанда атом электр станциясын салуға келісесіз бе": 6 қазандағы референдум бюллетені бекітілді

"Сіз Қазақстанда АЭС салуға келісесіз бе": 6 қазандағы референдум бюллетеньі бекітілді , сурет - Zakon.kz жаңалық 18.09.2024 11:59

Сурет: gov.kz

Орталық сайлау комиссиясы "2024 жылғы 6 қазанға белгіленген республикалық референдум өткізу кезінде дауыс беруге арналған бюллетеньдер дайындау туралы" 2024 жылғы 16 қыркүйектегі қаулыны қабылдады, деп хабарлайды Zakon.kz.

"Республикалық референдумда дауыс беруге арналған бюллетеннің нысаны мен мәтіні бекітілсін", — делінген құжатта.

Бюллетеньде бір ғана сұрақ қойылады: "Сіз Қазақстанда атом электр станциясын салуға келісесіз бе?".

Оған жауаптың екі нұсқасы ұсынылады:

иә, келісемін;
жоқ, келіспеймін.

АЭС бойынша референдумдағы дауыс беруге арналған бюллетеннің нысаны мен мәтіні бекітілді, сурет - Zakon.kz жаңалық 18.09.2024 11:59

Сурет: ОСК

Референдум қорытындысын шығару кезінде жарамсыз бюллетеньдер ретінде келесілері танылады.

белгiленбеген үлгiдегi;
учаскелiк референдум комиссиясы мүшесiнiң қолы қойылмаған;
референдумға қойылған мәселеге қайтарылған жауаптар нұсқаларының бiрде-бiреуi белгіленбеген;
белгi қарындашпен қойылған, түзету немесе өзге де бұрмалау iздерi бар, оларда сондай-ақ сайлаушылардың ерiк бiлдiруiн анықтау мүмкiн болмаған бюллетеньдер.

Қаулыға сәйкес, дауыс беру үшін референдумға қазақ және орыс тілінде 12 367 130 бюллетень, сонымен қатар резерв ретінде бір пайыз дайындалады. Бұл ретте референдумға қатысуға құқығы бар азаматтардың тізіміне 12 244 683 млн адам енгізілген.

Оқи отырыңыз