Референдум: Алматыда мүгедектігі бар тұрғындар "Инватакси" қызметін қалай шақыра алады

Бүгін республикалық референдум күні қалада мүгедектігі бар тұрғындар үшін қала әкімдігі "Инватакси" қызметін ұсынды, деп хабарлайды Zakon.kz.

"Инватакси" арбамен жүретін және тірек-қимыл аппараты мен көру қабілеті бұзылған азаматтарға қолжетімді.

Мегаполисте барлығы 100 арнайы автокөлік қызмет көрсетіп жатыр.

"Инватакси" қызметін мына диспетчерлік қызмет нөмірлері арқылы шақыруға болады: 

* арбамен жүретін және тірек-қимыл аппараты бұзылған азаматтар үшін: [phone], [phone] (WhatsApp); 

* көру қабілеті бұзылған азаматтар үшін: [phone], [phone].

Сонымен қатар, мүгедектігі бар азаматтарға көлік қызметін көрсету үшін 20 кезекші автокөлік бөлінген. Кезекші автокөлікті мына нөмір арқылы шақыруға болады: 338-30-09. Осы нөмір арқылы мүмкіндігі шектеулі адамдар қызмет көрсету сапасына қатысты шағымдана алады.

Естеріңізге салайық, бүгін Қазақстан аумағында АЭС құрылысы мәселесі бойынша республикалық референдум өтіп жатыр. Қаладағы сайлау учаскелері сағат 20:00-ге дейін жұмыс істейді.