Полиция көпбалалы ақмолалық әйелдің өлімін тергеп жатыр: ол жетінші баласына жүкті болған

Сурет: pixabay

Ақмола облысы Бестөбе ауылында жетінші баласына жүкті болған 34 жастағы әйел қайтыс болды. Ол үйінде, отбасының ортасында болған, деп хабарлайды Zakon.kz.

Nayzakokshe хабарлауынша, қайғылы оқиға 2024 жылғы 18 қазанда кешкі уақытта болды. Әйел туыстарына шаршағанын айтып, демалмақ болған. Туыстары жедел жәрдем шақырғанда ауыл тұрғыны қайтыс болып кеткен. Жүктілігі 34 апта, емханада есепте тұрған.

Облыстық денсаулық сақтау басқармасы оқиғаға қатысты түсінік берді.

"Жедел жәрдем келгенше қайтыс болды. Алдын ала себеп - жіті жүрек-қан тамырлары жеткіліксіздігі. Сараптамалар жүргізіліп жатыр", - делінген хабарламада.

Ақмола облыстық полиция департаментінің баспасөз қызметі Бестөбе ауылы тұрғынының өліміне қатысты сотқа дейінгі тергеу басталғанын хабарлады. Оның аясында қажетті сараптамалар мен тергеу жүргізіліп жатыр.

Оқи отырыңыз