83 жастағы шымкенттік қарияның спорттағы жетістіктері жастарға үлгі
Сурет: pixabay
Қария осылай аптасына 4 күн арнайы залға барып жаттығады. Оның өзі кейде 4 сағатқа дейін созылады. Қимыл қозғалысындағы жылдамдықты жоғалтып алмау үшін алдымен бокс қабымен жұдырықтасады. Сонан соң күш қайратты арттыратын түрлі жаттығуларға кіріседі.
"Ауыр заттарды тонналап көтереміз. Гантель бар. 10-нан 18 келіге дейін барам. Келесі айда 20 келіге ауыссам деймін. Басқа спорттық снарядттар бар. Әрқайсысы 70-80 келі. Мәселен, аяққа салмақ салу. Оның өзін 150 келіден бастау керек."Тәліпбек Әлжанов, қала тұрғыны
Жастық шағында бокстан спорт шебері атанған Тәліпбек қария пауэрлифтингпен 30 жылдан бері айналысып келеді. Жасы ұлғайғанымен әлі күш қайраты қайтпаған қария жаттығу арасында бойында бұла күші бұлқынған жастармен қол күрестіріп алатыны да бар, деп жазады qazaqstan.tv.
"Базалық силовой жим лежа, присидание соо штангой сияқты, становая тяга сияқты қимыл базалық жаттығуларымызды жасай береді. Кейбір жастар жасай алмайтын жаттығуларды жасайды."Дәурен Жандарбеков, жаттықтырушы
Тәліпбек Әлжанов күш сайыстыру спортынан Қазақстаның 16 дүркін абсолютті чемпионы. Осыдан екі жыл бұрын әлемнің 40 елінен келген 600-ден астам спортшымен күш сайыстырып, алтын және күмістен алқа тақты. Бұл сайыстарда ол 185 келі зілтемірмен еркін отырып-тұрып және 192 киллограм темірді жерден көтерген.
"Денсаулық, сонан соң спорттық күшіңді, талабыңды көрсетіп тұрсаңыз көпшілікке тәлім боласыз. Өйткені сізбен қатарлассам дейді. Бұл деген үлкен мақтаныш қой. Бұл деген адамдарды спортқа үгіттеудің бір түрі."Тәліпбек Әлжанов, қала тұрғыны
Сексен жасында сергек жүрген қария ұзақ жыл мәдениет саласында еңбек еткен жан. Театр да басқарған, облыстың мәдениет саласына да жеткешілік еткен. Еріншектік пен ерік-жігерін жеңе білген жан спорттың арқасында бүгінде қарттыққа мойынсұнбай, жастарға үлгі болып келеді.
