Алматылық зейнеткерлер скандинавиялық серуендеуді қоқыс жинаумен ұштастырды
Сурет: Алматы қаласы әкімдігінің баспасөз қызметі
Алматыда Белсенді ұзақ өмір сүру орталығының қызметкерлері мен қызмет алушылары "Алматы – біздің ортақ үйіміз" қалалық бастамасы және "Таза Қазақстан" республикалық бағдарламасы аясында өтіп жатқан "Жарқын күз" күзгі науқанын қолдады.
Науқан аясында "Тазалық – баршамызға ортақ іс" атты спорттық плоггинг өтті. Белсенді ұзақ өмір сүру орталығының қызметкерлері мен қызмет алушылары скандинавиялық серуендеуді қаладағы саябақтар мен скверлерде қоқыс жинаумен ұштастырды.
Қарт алматылықтар "Алматы – біздің ортақ үйіміз" науқанын жалғастырғаны үшін қала билігіне алғыс айтып, жас ұрпақты сүйікті қаласын таза ұстап, қорғауға, үйлерінің аумағын күтіп-баптауға шақырды.
"Қала тазалығы баршаға керек және бұл ортақ іс", – дейді зейнеткерлер.
Айта кетейік, Республика күніне орай Белсенді ұзақ өмір сүру орталықтарының барлық бөлімшесінде мерекелік концерттер өтеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
