Қазақстанның БРИКС елдерімен сауда-саттығы Еуроодақпен сауда-саттықтан асып түсті

Қазақстан БРИКС елдерімен өзара қарым-қатынасты арттыруда. Тек өткен, 2023 жылы ҚР мен БРИКС-ке кіретін 9 елдің тауар айналымы 70 миллиард АҚШ долларынан асты. Рас, мұндағы тауар айналымының ең көп үлесі екі елге – Қытай мен Ресейге тиесілі, деп хабарлайды Zakon.kz.

ҚР Ұлттық статистика бюросының мәліметі бойынша, ҚХР мен РФ-ның Қазақстаннан экспорттағы жалпы үлесі 2024 жылғы қаңтар – тамызда 29,5%-ды, ал импорттағы жалпы үлесі 54,3%-ды құрады.

БРИКС-ке мүше басқа елдерге келетін болсақ, 2024 жылғы қаңтар-тамызда БРИКС елдерімен сыртқы сауда айналымының үлесі 41,9%-ды құрады, барлығы 39 млрд долларға жуық.

Елдер бойынша біздің тауар айналымымыз келесідей (млн. доллар):

• Бразилия-158,6
• Египет-112.1
• Үндістан-789.1
• Иран-177
• Қытай-19274,2
• БАӘ-181
• Ресей-17229,5
• Эфиопия-453,6
• Оңтүстік Африка-26,7.

Айта кетейік, 2023 жылдың 11 айында Қазақстанның Еуроодақ елдерімен тауар айналымын 38 млрд доллар шамасында бағалады.

Еске салайық, 22-24 қазанда Қазанда (Татарстан) БРИКС саммиті жаңа құрамда өтуде. БРИКС-ке мүше елдер саны 2024 жылы онға жетті: Бразилия, Ресей, Үндістан, Қытай, Оңтүстік Африка, Египет, Иран, БАӘ, Сауд Арабиясы және Эфиопия.