Алматыда Республика күнінде өтетін дрондар шоуын екі алаңнан тамашалауға болады

Бүгін, 25 қазан күні Республика Сарайы алдындағы Абай атындағы алаңда сағат 21:00-де дрондар шоуы басталады, деп хабарлайды Zakon.kz.

Алматы әкімдігінің баспасөз қызметінің ақпаратынша, ғажап қойылымды қаланың екі алаңында әртүрлі уақытта тамашалауға болады.

Тағы бір шоуы Астана алаңында сағат 21:30-да өтеді. Айта кету керек, ҚБТУ алдында басқа іс-шаралар жоспарланбаған.

"500-ден астам дрон синхронды түрде аспанға көтеріліп, ұлттық мәдениеттің элементтері мен ел тарихындағы маңызды сәттерді бейнелейтін визуалды 3D кескіндерін жасайды. Жарық қондырғылары ұлттық бірлік пен мақтаныш рухына баса назар аудара отырып, музыкалық шығармалармен сүйемелденеді".Алматы әкімдігінің баспасөз қызметі

Сондай-ақ, шоудың басталуына дейін Төле би көшесі Панфилов көшесінен Абылай хан даңғылына дейін сағат 21:20-дан 22:00-ге дейін жартылай және уақытша жабылатындығы ескертілді.

Бұдан бөлек сағат 20:00-де "Көктөбе" телемұнарасында мерекелік жарық шамдары қосылады.