Түркістан облысында зауыт аумағындағы 40 тонна мақта өртеніп кетті

Түркістан облысының құтқарушылары 80 тонна мақтаны өрттен қорғап, өрттің таралуына жол бермеді, деп хабарлайды Zakon.kz.

Мақтаарал ауданының Ақалтын ауылында мақта өңдеу зауытының аумағында 150 шаршы метр алаңда 40 тоннаға жуық жиналған мақта өртенді.

Өрт сөндірушілер өрттің 350 шаршы метр алаңға таралуына жол бермей, 80 тонна мақтаны өрттен қорғап қалды. 

Өрт сөндірілді. Зардап шеккендер жоқ.

Өрттің себебі анықталып жатыр.