Алматыда Абай даңғылын ұзарту жұмыстарына байланысты көлік қозғалысына шектеулер енгізіледі

Абай даңғылы, Алматы, ұзарту жұмыстары, шектеу шаралары, сурет - Zakon.kz жаңалық 01.11.2024 19:51

Сурет: Алматы қалалық әкімдігі

Алматыда Абай даңғылын ұзарту жұмыстарына байланысты Қилыбай Медеубеков көшесінің бір бөлігінде қозғалыс уақытша шектеледі. Бұл туралы ақпаратпен 2024 жылы 1 қарашада Алматы қаласы әкімдігі бөлісті, деп хабарлайды Zakon.kz.

Ұсынылған ақпаратқа сәйкес, 2-25 қараша аралығында Қилыбай Медеубеков көшесі мен ұзартылып жатқан Абай даңғылының қиылысында көлік қозғалысы шектеледі.

Абай даңғылы, Алматы, сурет - Zakon.kz жаңалық 01.11.2024 19:51

Сурет: Алматы қалалық әкімдігі

"Бұл аумақты оңтүстік бағытта Ұ.Қараманов, Грушовая, Строительная көшелері арқылы, ал солтүстік бағытта Строительная, Виноградная, Ұ.Қараманов көшелері арқылы айналып өтуге болады. Аталған учаскеде ескерту белгілері қойылады". Алматы қаласы әкімдігінің баспасөз қызметі

Айта кетсек, Абай даңғылын қала шекарасына дейін ұзарту жұмыстарын осы жылдың соңына дейін аяқтау жоспарланып отыр. Қазір 600 метрлік соңғы учаскеде жұмыс қолға алынған, ұзартылған жолдың ұзындығы - 5,3 км.

Оқи отырыңыз