Ақтөбе облысында тікұшақ құлады: зардап шеккендер мен қаза тапқандар бар

Бүгін, 9 қарашада сағат 11:40-та 112-ге Ақтөбе облысы Мәртөк ауданы Сарыарқа ауылының ауданында тікұшақтың апатты жағдайда қонғаны туралы хабарлама түсті, деп хабарлайды Zakon.kz.

Әуе кемесі, болжам бойынша, ҚР Қорғаныс министрлігіне тиесілі. 

Төтенше жағдайлар министрлігінің мәліметінше, оқиға орнына ТЖД жеке құрамынан 23 адам мен 5 бірлік техника жіберілді. Оқиға орнына жеткен ТЖМ құтқарушылары өртті сөндірді. МИ - 8 тікұшағының бортында 3 адам болған. Олардың біреуі қайтыс болды.

Зардап шеккен екі адам Ақтөбе қаласына ҚР ҚМ ЯК-40 ВОСВОД ұшағымен жеткізілді.

Оқиға туралы ақпарат нақтыланып жатыр.