Алматы облысының колония басшысының орынбасары ұсталды

Алматыда пара алды деген күдікпен Алматы облысы колониясы бастығының орынбасары ұсталды, деп хабарлайды Zakon.kz.

Бұл туралы 14 қарашада Алматы облысының прокуратурасы мәлімдеді.

"13 қарашада прокуратураның сотқа дейінгі тергеп – тексеру басқармасы ҰҚК Алматы облысы бойынша департаментімен бірлесіп Алматы облысы бойынша ҚАЖД №14 мекемесінің орынбасары ұсталды", — делінген хабарламада.

Ол бірнеше рет пара алды деп күдіктелуде. Оқиғаның мән-жайын анықтау үшін қажетті тергеу әрекеттері жүргізіледі.

Қылмыстық-процестік кодекстің 201-бабы 1-бөлігіне сәйкес өзге ақпарат жария етуге жатпайды.

Бұған дейін Алматыда ірі есірткі зертханасы жойылғаны хабарланған болатын.