Қостанай облысында ТЖМ қызметкерлері қар құрсауынан 4 адамды құтқарды

Қостанай облысы Қарасу ауданында Қарасу ауылынан 10 шақырым жерде жеңіл автокөлік қар құрсауында қалып қойды, деп хабарлайды Zakon.kz.

Құтқарушылар дереу оқиға орнына жетіп, көлік ішіндегі 4 адамды, оның 2 бала қар құрсауынан шығарды. Оларға медициналық көмек қажет болмады.

Тұрғындар жақын маңдағы елді мекенге жеткізілді.

ТЖМ қауіпсіздік ережелерін қатаң сақтауға үндеді. Ауа райының өзгеруін, жолдардағы қозғалыстың шектелуін қадағалауды ескертті.