Алматы облысында жас жігіт төрт адамды қағып, оқиға орнынан қашып кеткен

Алматы облысында 18 жастағы жүргізуші төрт жаяу жүргіншіні қағып кетті деген күдікке ілінді. Олардың бірі, 16 жастағы бойжеткен қаза тапты, деп хабарлайды Zakon.kz.

Жол апаты Есікте 14 қарашада болған. Жүргізуші жол апаты болған жерден қашып кеткен.

"Жол апаты салдарынан 16 жастағы қыз аудандық ауруханаға жеткізілді. Ол 15 қараша күні таңертең алған жарақаттарынан қайтыс болды. Полиция жол апатына қатысты қылмыстық іс қозғады", - деп хабарлайды Алматы облыстық полиция департаментінің қызметі.

Жедел іздестіру шараларының нәтижесінде 18 жастағы жергілікті тұрғын ұсталып, уақытша ұстау изоляторына қамалды.