Депутат бұралқы иттерді зарарсыздандыру жайлы: Мен де көбейгім келеді, барлығы көбейгісі келеді
Фото: pixabay
Мәжілісте "жануарларға жауапкершілікпен қарау туралы" заң жобасына түзетулерді талқылау кезінде депутат пен зооқорғаушы арасында қызықты диалог өтті, деп хабарлайды Zakon.kz.
Мәжіліс депутаты Анас Баққожаев Animal Law комитетінің басшысы Ольга Ченцоваға зарарсыздандыру иттермен жұмыс істеудің адамгершілік әдісі болып табыла ма деген сұрақ қойды.
"Кез-келген биологиялық тіршілік иесінің басты мақсаты — көбею. Мен де көбейгім келеді, барлығы көбейгісі келеді. Микробтар да, барлығы да көбейгісі келеді. Дұрыс па? Жоқ, сіз күлмеңіз. Бірақ зарарсыздандыру туралы сөз болғанда, біз жануарларды бұл мүмкіндіктен айырамыз. Сіз мұны адамгершілік әдіс деп санайсыз ба?",- деп сұрады депутат.
Ольга Ченцова зарарсыздандыру бұл тұрғыда адамгершілік әдіс екенін айтты.
"Біріншіден, барлығы көбейгісі келеді деген пікір қате. Иттерге келсек, біз олардың көбеюіне жол берсек, олардың саны қанша болмақ? Олардың миллиондап, миллиардтап кететінін ескердіңіз бе? Сондықтан, оларға көбеюге болмайды. Менің үйімде үш ит бар, барлығы зарарсыздандырылған, бәрі өздерін жақсы сезінеді. Ешқандай қиындық жоқ", — деді ол.
Өз кезегінде мәжілістің Экология және табиғатты пайдалану мәселелері жөніндегі комитетінің төрағасы Еділ Жаңбыршин еркектерден басқа барлығын зарарсыздандыруға болады деп әзілдеді.
"Біз зарарсыздандыруды, кастрацияны және сүндеттеуді ажыратып алумыз керек. Бұл әртүрлі нәрселер. Сүндеттеу — бұл пайдалы процедура, кастрация – бұл гормоналды функциядан айыру, ал зарарсыздандыру – бұл басқа нәрсе. Бұл пайдалы. Кастрацияланған иттер мен мысықтар бір жарым жылға ұзағырақ өмір сүреді, өйткені онкологиялық аурулардың бірқатар қаупі жойылады. Сондықтан олардың ешқайсысы зардап шекпейді", — деп жауап берді Ольга Ченцова.
Бұған дейін мәжілісте қаңғыбас иттермен күрес мәселесі пікірталас тудырғаны хабарланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
