Бүгін еліміздің алты қаласында ауа сапасы нашарлайтыны ескертілді

Ауа сапасы, нашарлау, 23 қараша, Алматы, Астана, Қарағанды, Балқаш, Теміртау, Жезқазған, сурет - Zakon.kz жаңалық 23.11.2024 09:56

Сурет: pexels

Синоптиктер 23 қарашада еліміздің алты қаласында ауа сапасы нашарлайтынын ескертті , деп хабарлайды Zakon.kz "Қазгидромет" РМК-ның баспасөз қызметіне сілтеме жасап.

Болжамға сәйкес, Алматы, Астана, Қарағанды, Жезқазған, Балқаш, Теміртау қалаларында ауаның ластануының қолайсыз метеорологиялық жағдайлары күтіледі.

Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында қала тұрғындарына мыналар ұсынылады:

ашық ауада, әсіресе магистральдардың немесе тас жол бойында жүруден аулақ болу;
балалар мен жүкті әйелдерге ұзақ серуендеуге кеңес берілмейді;
өкпенің созылмалы аурулары, жүрек-қан тамырлары аурулары және аллергиялық аурулармен ауыратын адамдар көшеде жүргенде өздерімен бірге дәрі-дәрмектерді алып жүруі керек;
ашық ауада физикалық белсенділікті шектеңіз;
дене шынықтыру және спорттық іс-шаралар жабық спорт кешендерінде жүргізілуі керек.

Оқи отырыңыз