Астананың жаңа ауданында санитарлық-эпидемиологиялық бақылау басқармасы құрылды

"Қазақстан Республикасы Денсаулық сақтау министрлігінің кейбір мәселелері туралы" Үкіметтің 2024 жылғы 12 қарашадағы қаулысы қабылданды, деп хабарлайды Zakon.kz.

"ҚР Денсаулық сақтау министрлігі санитариялық-эпидемиологиялық бақылау комитетінің Астана қаласы санитариялық-эпидемиологиялық бақылау департаментінің Астана қаласы Сарайшық ауданының санитариялық-эпидемиологиялық бақылау басқармасы" республикалық мемлекеттік мекемесі құрылсын", — делінген құжатта.

Оны қаржыландыру республикалық бюджетте ҚР Денсаулық сақтау министрлігін ұстауға көзделген қаражат есебінен және шегінде жүзеге асырылатыны анықталды.

Қаулы қол қойылған күнінен бастап қолданысқа енгізіледі.