Астанада ер адам темір торларды ұрлап кеткен

Полиция, полицейский, полицейские, патрульная полиция, патруль, погоны, сурет - Zakon.kz жаңалық 29.11.2024 10:16

Фото: Zakon.kz

Тәртіп сақшылары ұрлық жасаған күдіктіні ұстады. Елордалық полицияға жергілікті тұрғын арыз жазды. Ер адамның айтуынша, оның қоймасынан белгісіз біреу 8 дана темір торды ұрлап кеткен.

Келтірілген шығынның жалпы сомасы 200 мың теңгеге жуық. Полицейлер төңіректегі аумақтарды және болуы мүмкін куәгерлерді сұрастырды.

Жедел-іздестіру шараларының нәтижесінде Алматы ауданы криминалдық полиция қызметкерлері қылмысты жасады деген күдікпен 30 жастағы ер адамды анықтады.

Белгілі болғандай, қараусыз қалған қойманы байқаған ұры түнде еркін түрде темір торларды жасырын ұрлаған. Келесі күні таңертең ұрланған мүлікті металл сынықтарын қабылдау пунктіне тапсырған. Күдікті ұрлық жасағаны жөнінде өз кінәсін мойындаған.

Аталмыш факті бойынша қылмыстық іс тіркелді. Астана қалалық плиция департаменті сақ болуды және мүлікті сақтау үшін қауіпсіздік шараларын қолдануды ұсынады. Мүмкіндігінше бейнебақылау камераларын және ұрлық дабылын орнатып, үй-жайлардың қорғалуын күшейту қажет.

Оқи отырыңыз