Алматы халықаралық әуежайы маңызды ақпаратпен бөлісті

Алматы халықаралық әуежайы 2024 жылдың 3 желтоқсанында жолаушылар мен күтіп алушыларға маңызды хабарлама жасады, деп хабарлайды Zakon.kz.

Мәселе жаңа ашылған қосымша кіру жолы жайлы.

"Алматы халықаралық әуежайы 2-қабаттағы ұшып кету аймағына Ахметов көшесі жағынан қосымша кіру жолының ашылғаны туралы хабарлайды. Әуежай аумағына негізгі кіреберіс Майлин көшесі арқылы жүзеге асырылады", — деп жазылған ресми ақпаратта.

Қосымша кіреберіс жолаушылар мен әуежай қонақтарына 2-қабаттағы жөнелту аймағына жылдам әрі ыңғайлы кіруді қамтамасыз ету үшін жасалған.

6 қарашада Алматы әуежайының басшысы Гөкер Көсе әуе айлағының жұмысын жақсарту үшін күрделі қаржы қажет екенін айтты. Бұл сома 100 миллион доллар деп жарияланды.