Мәжіліс төрағасы: Президент жаһандық деңгейде ұлтымыздың рухын асқақтатып, еліміздің мүддесін қорғап жүр

Ерлан Қошанов, Алтын домбыра, айтыс, сурет - Zakon.kz жаңалық 07.12.2024 19:16 Сурет: Әли Ғалым/Amanat партиясының баспасөз қызметі
Тәуелсіздік күні қарсаңында Amanat партиясының қолдауымен Мәдениет және ақпарат министрлігі ұйымдастырған "Алтын домбыра" республикалық ақындар айтысы басталды, деп хабарлайды Zakon.kz.

"Төрлет, еңбек адамы" тақырыбындағы дәстүрлі дода биыл еңбек адамын ұлықтауға арналды.

Мәжіліс спикері, Amanat партиясының төрағасы Ерлан Қошанов Президенттің төл мәдениетімізге қамқорлық танытып, ерекше көңіл бөліп отырғанын атап өтті.

"Мемлекет басшысы айтысты, ұлттық құндылықтарымызды, ұлттық спортымызды барынша қолдап келеді. Өткенде ғана Дүниежүзілік көшпенділер ойыны жоғары деңгейде өтті. Бұдан бөлек, биылдың өзінде руханиятқа еңбегі сіңген біраз ұлы қайраткерлеріміздің мерейтойларын атап өттік. Солардың бәріне Президентіміз ұдайы қолдау көрсетіп келеді. Мемлекет басшысы әлемдік саясатта, жаһандық деңгейде ұлтымыздың рухын асқақтатып, мемлекетіміздің мүддесін, халқымыздың намысын қорғап жүр", – деді Ерлан Қошанов.

Айтыс, Алтын домбыра, Amanat партиясы, сурет - Zakon.kz жаңалық 07.12.2024 19:16

Сурет: Әли Ғалым/Amanat партиясының баспасөз қызметі

Мәжіліс спикері қазіргі уақытта қоғамда Президенттің "Адал адам – Адал еңбек – Адал табыс" қағидасы орныға бастағанына назар аударды. Бүгінгі аламан айтыстың да тақырыбы осыған арналып отыр.

"Қасым-Жомарт Тоқаев 2025 жылды "Жұмысшы мамандықтары жылы" деп жариялады. Қай уақытта да ақындар ерлік пен еңбекті жырлаған. Шын мәнінде, мемлекеттің ырыс-құтын, елдің береке-бірлігін шашау шығармай ұстап тұрған қарапайым еңбек адамдары ғой. Олар туралы қанша мәрте жырласақ та көптік етпейді деп ойлаймын. Сондықтан, бүгінгі төріміз де, сөзіміз де еңбек адамдарына арналмақ", – деді Мәжіліс төрағасы.

Қазылар алқасы, айтыс, Алтын домбыра, сурет - Zakon.kz жаңалық 07.12.2024 19:16

Сурет: Әли Ғалым/Amanat партиясының баспасөз қызметі

Өз кезегінде, айтыс тізгінін ұстаған көрнекті ақын, Мәжіліс депутаты Аманжол Әлтай дүбірлі доданың мәні мен маңызына тоқталып, қазылар алқасының құрамы мен ақындар қауымын таныстырды.

Сурет: Әли Ғалым/Amanat партиясының баспасөз қызметі

"Айтыс – бабадан қалған байрақты өнер. Ғасырлар қойнауынан жеткен қастерлі қазынамызды ұлықтау, ұрпақтан-ұрпаққа жеткізу – баршамызға ортақ қастерлі парыз. Бүгін алдарыңызда бағы мен бабы келіскен шын жүйріктер сынға түседі. Төл өнеріміз төрге оза берсін", – деді ол.

Осылайша, екі күнге жоспарланған биылғы жыр додасында жыл көлемінде елімізде өткен республикалық және халықаралық айтыстарда үздік өнер көрсетіп, жүлделі орын еншілеген 14 ақын топқа түсті.

Сурет: Әли Ғалым/Amanat партиясының баспасөз қызметі

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: