Желідегі ақау: Екібастұзда 10 жастағы бала аяғын күйдіріп алды

Екібастұзда 10 жастағы бала желідегі ақаудың салдарынан аяғын күйдіріп алды, қазір ол ауруханада жатыр, деп хабарлайды Zakon.kz pavlodarnews.kz-ке сілтеме жасап.

Әлеуметтік желіде 8 желтоқсанда М. Жүсіп көшесі, 109 мекенжайында ер баланы күйік шалғаны туралы хабар тарады.

"Ұлым далада ойнаған кезде доп су атқылап, жарылған құбырдың астына кіріп кетті",– деп жазды хаттың авторы.

Облыстық жедел жәрдем станциясы аталған мекенжайға шақырту болғанын растады.

"10 жастағы баланы бірінші және екінші дәрежедегі күйік шалды. Ол екі аяғын күйдіріп алды", - деп хабарлады станция.  

"Екібастұз жылу желілері" ЖШС мәліметінше, 8 желтоқсанда қала тұрғыны сағат 11:13-те диспетчерлік қызметіне жүгінгеннен кейін мамандар оқиға орнына ақауды анықтау үшін шыққан. Жылу желісі "Марунич" ЖК тиесілі екені анықталды. Жазатайым оқиғаларды болдырмау мақсатында кәсіпорын қызметкерлері зақымдануды өз күшімен жөндеді.

Сол күннен бері зардап шеккен ер бала Екібастұз ауруханасының балалар реанимациясы және қарқынды терапия бөлімшесінде жатыр. Дәрігерлер күйік шалған күні оның жағдайы ауыр дәрежеде болғанын айтты.