СҚО-да ер адам жылқыларды айдауға шығып, жоғалып кетті

Солтүстік Қазақстан облысында 43 жастағы ер адам жоғалып кетті, деп хабарлайды Zakon.kz.

Солтүстік Қазақстан облысы Айыртау ауданындағы Имантау мен Арықбалық ауылдарының арасында төтенше жағдайлар департаменті құтқарушылары, полиция департаменті мен жергілікті атқарушы органдардың қызметкерлері және жергілікті тұрғындар бірлесіп 1981 жылы туған ер адамды іздеді.

Ол Имантау ауылынан жылқыларды айдауға шығып, жоғалып кеткен.

"Іздеуді күшейту үшін дрон қолданылды. Құтқарушылар Имантау ауылынан 8 шақырым қашықтықтағы ашық аумақтан жоғалған азаматты аман-есен тауып, елді мекенге жеткізді", - деп хабарлады Төтенше жағдайлар министрлігінің баспасөз қызметі.

Оған медициналық көмек қажет болмаған.