Талғарда пышақ ұстаған ер адам тұрғындарды шошытты

Алматы облысында ер адамның төбелестен кейін қашып бара жатқан видеосы тарады, оның қолында пышаққа ұқсас зат бар, деп хабарлайды Zakon.kz.

Instagram-дағы Info_Talgar аккаунтының мәліметінше, оқиға 03:55-те Талғардағы Қонаев пен Абай көшелерінің қиылысында болған.

Ескерту! Видеода боқтық сөздер бар!

Алматы облысының полиция департаменті бұл факті бойынша полицияға арыз-шағым түспегенін хабарлады.

"Соған қарамастан, бұл деректі Талғар аудандық полициясы тіркеді. Қазіргі уақытта оқиғаның барлық мән-жайын анықтау үшін тексеру іс-шаралары жүргізіліп жатыр".Алматы облысының полиция департаменті

Астанада 2024 жылғы 10 желтоқсанда ер адам тұрғын үй кешенінің лифтінде пышақпен әйелге шабуыл жасады. Кейінірек полиция оқиғаның егжей-тегжейін хабарлады.