Спорт жаңалықтары 
Батырлар біздің арамызда: 2024 жылы ержүректілігімен елді тәнті еткендер
Сурет: Zakon.kz
Қос құтқару
Амангелді Доскеновтың жұмыс жылдарында ерлік көрсеткен әріптестері аз болмаған. Алайда, ең ұмытылмас оқиға 2024 жылдың қысында Ерейментау ауданы Есеншілік ауылында болды. Қаңтар айында Амангелді өзін үсік шалғанына қарамастан, жүкті әйелді қарлы бораннан аман шығарды.
Кейінірек әйелдің отбасы Амангелдіні перзентханадан шығаруға шақырды. Осылайша дүниеге келген торсықтай ұлға құтқарушының есімі берілді.
Сурет: ҚР ТЖМ баспасөз қызметі
Қарғын судағы ерлік
Елімізді тасқын судан құтқару кезінде Сұңғат Жұлболсын өзге де әріптестерімен бірге Ақтөбе облысын құтқарды. Артынша Батыс Қазақстан және Атырау облыстарының тұрғындарына көмекке келді.
Сұңғат өзен жағалауларын нығайту және бөгеттерді енгізу жөніндегі жұмыстарға қатысты. Ол сондай-ақ тұрғындарға қауіпсіз аймаққа көшуге және олардың мүлкін сақтауға көмектесті.
Маңғыстау облысы ТЖД Өрт сөндіруші-құтқарушысы жанқиярлығы үшін Рахымжан Қошқарбаев атындағы ІІІ дәрежелі "Айбын" орденімен марапатталды.
Сурет: ҚР ТЖМ баспасөз қызметі
Қызметтік борыш
Түркістан облысы Сайрам ауданының №6 өрт сөндіру бөлімі бөлімшесінің 45 жастағы командирі Бекжан Балданов қайтыс болғаннан кейін "ерлігі үшін" медалімен марапатталды.
Құтқарушы Солтүстік Қазақстан облысында көктемгі су тасқыны кезінде қызметтік борышын орындау кезінде қаза тапты. Сол тағдырлы күні Бекжан басқаларды құтқару үшін жанқиярлықпен өмірін қиды.
Сурет: ҚР ТЖМ баспасөз қызметі
Өскемендік батырлар
Тағы бір ерлік Өскемен қаласында суға батып бара жатқан 19 жасар қызды құтқару кезінде болды. Бұл жолы көмек көрсеткен қарапайым екі қала тұрғыны.
Оқиға өзен жағасында болды. Су қоймасына түскен қыз абайсызда суға құлап, ағып кетті. Оның жан-айқайын естіген жақын маңдағы Дәурен Тоқтағанов пен Жанасбек Пермабек көмекке жүгірді.
"Екі жігіт еш саспастан көлікке мініп, өзеннің қарама-қарсы жағалауына жетіп, ағаш бұтақтарына жабысқан қызды көрді. Жанасбек өзенге түсіп, қызды тартып оны Дәуреннің қолына берді",- деп мәлімдеді ШҚО ТЖД баспасөз қызметі
Сурет: ҚР ТЖМ баспасөз қызметі
Өрт сөндіруші
Қазан айында Қарағанды облысы Қарақаралы ауданы Қоянды ауылының маңында ірі дала өртін сөндіру кезінде 1991 жылы туған 24-ӨСБ аға өрт сөндіруші-құтқарушысы Хали Хайрат қаза тапты. Азаматтық қорғау органдарында сержант 2014 жылдан бастап жұмыс істеді.
Қазақстан президенті Қасым-Жомарт Тоқаевтың Жарлығымен құтқарушы Хали Хайрат "Ерлігі үшін" медалімен қайтыс болғаннан кейін марапатталды. Мемлекет басшысының атынан марапатты қаза тапқан өрт сөндірушінің туған-туыстарына Қарағанды облысының әкімі Ермағанбет Бөлекпаев табыс етті.
Сурет: gov.kz, Instagram/akimat__09
Алматыдағы баланы құтқару
Қазан айында 25 жастағы Әлихан Жақсылық Алматыдағы Есентай өзеніне батып бара жатқан баланы құтқарды. Жігіт еш ойланбастан суға секіріп, баланы аман алып қалды.
Дін аман бала: "рахмет, аға!",- деп алғысын жаудырды.
Баланың өмірін сақтап қалу кезінде көрсеткен батылдығы мен өзіне деген сенімділігі үшін Әлихан "суға батқандарды құтқарғаны үшін" медалімен марапатталды.
Сурет: ҚР ТЖМ баспасөз қызметі
Оқушы — батыр
Мамыр айында №31 мектеп-гимназияның жетінші сынып оқушысы Ақан Әкімжанов Астанадағы көпқабатты үйлердің ауласында төртінші қабаттағы балкон қоршауында ілулі тұрған баланы көріп, көмекке асықты. Ол төртінші қабатқа көтеріліп, бес жасар баланы шығарып алды, осылайша қайғылы жағдайдың алдын алды.
Астана ТЖД бастығы Марат Күлдіков көрсеткен ерлігі мен адалдығы үшін мектеп жиналысында Ақан мен оның ата-анасын ҚР ТЖМ алғыс хаттарымен марапаттап, бағалы сыйлықтар табыс етті.
Сурет: ҚР ТЖМ баспасөз қызметі
Болашақ құтқарушы
Көкшетаулық 10 жасар бала Артур Гаитов өрт кезінде нағыз ерлік көрсетті. Ол қолындағы гипсына қарамастан, қызыл жалынның арасынан бір жасар бауырын аман алып қалды. Апат болған кезде Артур абдырап қалмай, үйдегі электр қуатын өшіріп, өрт сөндірушілерді шақырып, бір жасар бауырын көтеріп, жанып жатқан үйден терезе арқылы шыққан.
Артур Гаитов ҚР ТЖМ "Өртте көрсеткен қайсарлығы үшін" медалін алды. Оған Ақмола облысы ТЖД бастығының орынбасары Асхат Ақылжанов марапатты табыс етті.
Айтпақшы, оқушы болашақта құтқарушы болғысы келеді.
Сурет: ҚР ТЖМ баспасөз қызметі
2024 жыл Қазақстан үшін нағыз ержүректер жылы болды – өздеріне қауіп төніп тұрғанына қарамастан, өзге адамды аман алып қалғандар нағыз батырлар.
Өкінішке орай, осы адамдардың кейбірі қаза тапты, деген "ер есімі мәңгілік ел есінде"...
