"Мұндай еш жерде жоқ": Атырауда 18 метрлік ерекше шырша орнатылды

Атырауда LED-экраны бар шырша орнатылды. Жергілікті билік Қазақстанның бірде-бір қаласында мұндай жаңа жылдық әдемілік жоқ деп мәлімдейді. Толығырақ Zakon.kz ақпаратында.

Исатай мен Махамбет атындағы Орталық алаңға заманауи шырша орнатылды. Оның биіктігі-18 метр. Күндіз ол гирляндалар мен шарлары бар қарапайым шыршаға ұқсайды, ал түнде мерекелік көңіл-күйдің символына айналады.

Сурет: Zakon.kz

Экранда 20 түрлі элемент – қарлар, шанадағы Аяз Ата, жұлдыздар, шарлар және тіпті қазақтың ою-өрнектері жарқырайды.

Айта кетейік, 2024 жылы қалалық бюджеттен Атырауды безендіруге 66 млн теңге бөлінді. Бұл қаражатқа қаланың әр аймағындағы бес шыршаның безендірілуі мен жаңа жыл күнгі 10 минуттық отшашу кіреді.

Бұған дейін Димаш Құдайбергеннің Қытайдағы басты жаңа жылдық концертте өнер көрсеткені белгілі болды.