Президент Қасым-Жомарт Тоқаев Жаңа жылды қайда қарсы алады

Қазақстан Республикасы Президентінің кеңесшісі және баспасөз хатшысы Берік Уәли Қасым-Жомарт Тоқаев Жаңа 2025 жылды қалай тойлауды жоспарлап отырғаны туралы айтты, деп хабарлайды Zakon.kz.

Уәлидің айтуынша, президент дәстүрлі түрде Жаңа жылды "еліміздің миллиондаған азаматтары сияқты" үйде, отбасының ортасында, мерекелік дастархан басында қарсы алады.

Президенттің Жаңа жылда шетелге шығу немесе демалу туралы жоспары жоқ. Қасым-Жомарт Кемелұлының демалысқа уақыты тапшы деуге болады. Президент мереке күндері де жұмыс істейді, құжаттар қарайды. Берік Уәли

30 желтоқсанда Мемлекет басшысы 2025 жылғы 3 қаңтарда жарияланатын көлемді сұхбатында Қазақстанның 2024 жылғы саяси және әлеуметтік-экономикалық дамуын қорытындылап, алдағы кезеңге арналған басымдықтарды белгілейтіні белгілі болды.