Ерлан Каналимов Астана мәслихатының төрағасы қызметінен кетті

Ерлан Каналимов Астана мәслихатының төрағасы қызметінен кетті. Ол бұл туралы Instagram-дағы парақшасында жазды, деп хабарлайды Zakon.kz.

Ол басқа қызметке ауысқан.

"Астана мәслихатының VIII сайланым төрағасы ретіндегі қызметіміз басқа қызметке ауысыма байланысты аяқталды. Осы жылдар ішінде елдің аманатын арқалап, халықпен бірлесе еңбек еттік. Ұлы Абайдың "Халық үшін қызмет қылсаң, халқың сүймек" деген сөзін ту еттік. Астана қаласы мәслихатының төрағасы ретінде басты ұстанымымыз – ашықтық пен жауапкершілік болды. Халыққа жақын болуға, мәселелердің шешімін бірге табуға мән бердік. Мәслихат отырыстарын тікелей эфирде өткізіп, әр депутаттың байланыс дерегін қолжетімді еттік. Атқарған ісіміздің сыншысы – халық, төрешісі – уақыт", - деп жазды ол.

Ерлан Каналимов өзіне сенім білдірген қала тұрғындарына, бірлесе еңбек еткен Астана  мәслихатының VII және VIII сайланым депутаттарына, қала әкімі Жеңіс Қасымбекке және барлық әріптесіне алғыс айтты.

"Осы жолда әрқайсыңызға мықты денсаулық, еңбектеріңізге табыс, отбасыларыңызға амандық тілеймін!", - деді ол.