24 қаңтарда астаналық оқушылар мен студенттер тағы да қашықтан оқиды

Астананың білім басқармасы оқушылар мен студенттерді оқыту форматына қатысты тағы да мәлімдеме жасады, деп хабарлайды Zakon.kz.

Ведомствоның мәліметінше, Астанада ауа райына байланысты мектеп оқушылары мен колледждің 1-2-курс студенттері онлайн оқиды.

"2025 жылғы 24 қаңтар күні ауа райының қолайсыздығына байланысты бірінші ауысымның 0-11 (12)сынып оқушылары және колледждердің 1-2 курстың студенттері (9 сынып базасында) қашықтан оқыту форматына ауыстырылады", - делінген білім басқармасы таратқан хабарламада.

Еске салайық, 23 қаңтарда аязға байланысты бірінші ауысымдағы мектеп оқушылары мен колледж студенттері қашықтықтан оқытуға көшірілген еді. Одан кейін екінші ауысымдағылар да онлайн оқытуға ауыстырылды.