Алматыда есірткі жарнамалаудың жаңа тәсілі анықталды

Полиция, полицейский, полицейские, патрульная полиция, патруль, погоны, сурет - Zakon.kz жаңалық 31.01.2025 11:49 Фото: Zakon.kz
Құқық қорғау органдарының мәліметінше, 28 жастағы азамат шағын несие алуға арналған жапсырмалар таратумен айналысқан.

Алайда QR-кодты сканерлеген кезде қолданушылар несие беру сервисіне емес, есірткі сатумен айналысатын интернет-ресурсқа кіріп кеткен.

"Күдікті өзінің қылмыстық әрекетін мойындады. Оның міндеті – қоғамдық көлік аялдамаларына, билбордтарға, бағаналарға парақшалар жапсыру болған. Ол қызметі үшін төлемді криптовалюта түрінде алып отырған. Қазіргі таңда ұсталған азаматтың әрекетіне құқықтық баға берілуде. Сондай-ақ оның жұмыс берушілері анықталып жатыр", – деді Жетісу аудандық полиция басқармасының бастығы Жәнібек Шынасылов.

Күдікті уақытша ұстау изоляторына қамалды. Аталған факті бойынша ҚР Қылмыстық кодексінің 299-1-бабы (Есірткі құралдарының немесе психотроптық заттардың жарнамасы немесе заңсыз насихаты) бойынша қылмыстық іс қозғалды.

Тергеу мүддесіне байланысты істің өзге мән-жайы жария етілмейді. Қазақстан Республикасының Конституциясына және Қылмыстық кодексіне сәйкес, кез келген азаматтың кінәсі сот шешімі заңды күшіне енгенге дейін дәлелденбеген болып саналады.

Мақаламен бөлісу
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: