Танымал фотограф "тұман басқан" Алматының тұнық суреттерін көрсетті

Алматылық фотограф Дмитрий Доценко оқырмандарын жаңа туындыларымен қуантты. Ол бұл топтамасын "Алматыдағы ақпан пейзаждары" деп атады.

Доценконың фотосуреттері 2025 жылдың 10 ақпанында өзінің Instagram парақшасында жарияланды.

"Тауларда әлі қар көп, бұлттар шыңдарды баяу орап, сиқырлы атмосфера жасайды. Бірнеше сәтті сурет түсірудің мүмкіндігін жіберіп алмаймын",- деп жазды ол.

Доценко қалада күндіз күн жылуы сезілетінін, қардың баяу еріп келе жатқандығын атап өтті.

"Иә, ауа жылыған сияқты. Енді біраз күтсек – жылы жел қыстың соңғы бұлттарын да жылжытады. Бірақ күннің көкжиектен шығуы керек, әзірге қыс жалғасуда. Сондай-ақ, ақпанда қар мен боран күтілуде. Менің ойымша, бұл бір жағынан жақсы-ақ, мен қыстың жалғасқанын қалаймын". Дмитрий Доценко

Посмотреть эту публикацию в Instagram

Публикация от Дмитрий Доценко / Фотограф Алматы (@dots_foto)

Оқырмандардың бір тобы, қыстан жалыққандарын айтып, тезірек жылы ауа-райын қалайтындарын жеткізсе, енді бірі фотографтың айтқандарын қолдап, қыстың ұзағырақ болғанын қалайтындарын айтты.

Сондай-ақ, көпшілік соңғы уақытта қала қою түтіннен көрінбейтінін айтып, Доценкодан мұндай тұнық кадрларды қайдан түсіргенін сұрады. Оған фотограф: "Мұнда түрлі уақыттардың суреттері бар, әсіресе, таң шапағында түсіремін" деп жауап берді.

Бұған дейін балабақшалардың қызметі 2027 жылдан бастап лицензияланатындығы хабарланған болатын.