Мемлекет басшысына күрделі жөндеуден өткен Күләш Байсейітова атындағы өнер университеті көрсетілді

Қасым-Жомарт Тоқаев Күләш Байсейітова атындағы Қазақ ұлттық өнер университетін қайта құру жұмыстарының барысымен танысты. Бұл туралы 2025 жылғы 14 ақпанда президенттің баспасөз қызметі хабарлады, деп хабарлайды Zakon.kz.

Мемлекет басшысына жаңғырту жұмыстарынан кейін бас ғимараттың көлемі 10 мың шаршы метрге ұлғайып, 38 мың шаршы метрге жуықтағаны жөнінде баяндалды.

Сурет: akorda.kz

Соның нәтижесінде жаңа арнаулы аудиториялар ашуға мүмкіндік туды. Ауқымды іс-шаралар өткізетін 1100 орындық үлкен концерт залы пайдалануға беріледі.

Сурет: akorda.kz

Бұдан бөлек, оқу корпусында академиялық музыкаға арналған камералық зал, дайындық студиялары, студенттер мен өзге де суретшілердің туындылары қойылатын көрме галереялары бар.

Сурет: akorda.kz