Алаяқтар ІІМ басшысының атынан хабарлама таратуда

Әлеуметтік желілерде жалған брокерлер ұрлаған қаражатты қайтарамыз деген онлайн алаяқтар әрекет етуде. Киберқылмыскерлер бұрыннан қалыптасқан схеманы қолданады. Олар адамдарды сендіру үшін түрлі уәделер беріп, белгілі тұлғалардың суреттерін пайдаланады, деп хабарлайды Zakon.kz.

Бұл жолы олар хабарламаға ҚР ішкі істер министрі Ержан Сәденовтің суретін тіркеген.

"Биржадан немесе брокерден ақша шығармақсыз, бірақ… Ол үшін төлем сұрай ма? Бұл өтірік. Өзіңізді алдауға жол бермеңіз. Ақшаны қауіпсіз жолмен қайтару жөніндегі нұсқаулықты алыңыз", – делінген жаңа жарнаманың мәтінінде.

Сурет: Stopfake.kz

Stopfake.kz мамандары жарияланған хабарландыру алаяқтардың алдау схемасының ең танымал түрі екенін атап өтті.

Бұл ретте, Қазақстан Республикасы Ішкі істер министрлігінің ресми порталында қаражатты қауіпсіз алу жөніндегі нұсқаулық жоқ.

"Көрсетілген сілтеме бойынша өтпеңіз, ақшаңызды немесе жеке деректеріңізді жоғалтуыңыз мүмкін. Ақпаратты әрқашан ресми дереккөздерден тексеріп, желідегі бейтаныс адамдармен сөйлескенде абай болыңыз",- деп жазды сарапшылар.

Бұған дейін Алматыда көліктің алдыңғы нөмірін аударып алған көлік жүргізушісі сотталғандығы хабарланған болатын.