Төтеншеліктер алматылықтарға тұман мен көктайғаққа байланысты ескерту жасады

Алматы қаласында 11 наурызда ауа райы бұзылады. Синоптиктер тұман түсіп, көктайғақ болады деп болжап отыр , деп хабарлайды Zakon.kz.

"Алматы қ. ТЖД № 9 Қазгидромет дауылды ескертудің негізінде Алматы қаласында 11науырызда түнде және таң ертең тұман, көктайғақ күтілетіні туралы хабарлайды",- делінген ақпаратта.

Сондай-ақ, ведомство көктайғақ кезінде келесі ережелерді сақтауға шақырды:

• Қар мен көктайғақ кезінде көлік жүргізу күрт нашарлайды, жүргізуші көлікті бақылай алмай қалуы мүмкін, сондықтан жолдан асықпай өту керек.
• Көшелерді жол қозғалысы ережелерімен белгіленген орындарда кесіп өту керек;
• Абай болыңыз, әсіресе жолдан өткен кезде, сыртқы заттарға алаңдамаңыз;
• Әрқашан аяқ астына қараңыз;
• Аяқ-киімді дұрыс таңдаңыз. Аяқ-киімнің кедір-бұдырлы өрнегі бар, тайғанамайтын материалдан жасалған тегіс табаны болуы тиіс;
• Қолыңызды қалтаңызға салмаңыз, себебі мұзда тепе-теңдікті сақтауыңыз керек;
• Тротуарлар, қалалық көлік аялдамалары, дүкендерге кіре беріс, тіпті өз үйіңіздің кіреберісі – адамдар жиі құлайтын орны. Сондықтан бұл ретте де сақ болыңыз.

Бұған дейін Шымбұлақта қар көшкіні жүргендігі хабарланған болатын.