Шерзат Полаттың өліміне қатысты іс қашан сотқа өтеді

ҚР Ішкі істер министрінің орынбасары Санжар Әділов 2025 жылғы 12 наурызда Мәжілістің отырысында 16 жастағы Шерзат Полаттың өліміне қатысты іс бойынша сөз сөйледі, деп хабарлайды Zakon.kz тілшісі.

Ішкі істер вице-министрі Шерзаттың ісі қазір прокуратурада қаралып жатқанын атап өтті.

"Алдағы күндері, осы аптада ол сотқа беріледі деп күтеміз", – деп қосты Санжар Әділов.

2024 жылдың 4 қазанында Талғарда жаппай төбелес болып, оның барысында 16 жастағы Шерзат Полат пышақ жарақатынан қайтыс болды. Қоғамдық резонанс тудырған жасөспірімді өлтіру дерегі бойынша ҚР Қылмыстық кодексінің бес бабы бойынша 11 күдікті қамауға алынды.