Өлтіреміз деп, 1 миллион теңге талап еткен: Қызылордада қылмыстық топқа үкім шықты

Қызылорданың №2 соты 2023 жылдың желтоқсанында күш қолдану арқылы өз көлігінде облыс орталығының тұрғынын қала сыртына алып шығып, оны өлтіреміз деп, 1 миллион теңге талап еткен қылмыстық топтың 4 мүшесіне қатысты үкім шықты, деп хабарлайды Zakon.kz.

Облыс прокуратурасының үйлестіруімен қылмыстық топтың барлық мүшесі мен орналасқан жері анықталып, оларды ұстау шаралары қабылданды.

Барлық ұсталған тұлға бұрын ауыр қылмыстар жасағаны үшін сотты болған. Ұстау кезінде қылмыстық топтың бір мүшесінен атыс қаруы мен оған оқ-дәрілер табылып, алынды.

Сотпен үш айыпталушыға 6 жылға бас бостандығынан айыру, ал қылмыстық топтың бір мүшесіне шынайы өкінуіне байланысты 3 жыл 6 айға бас бостандығынан айыру жазасы тағайындалды.