Қазақстанда жаңа айыппұл пайда болуы мүмкін

Цифрлық даму, инновациялар және аэроғарыш өнеркәсібі министрі Жаслан Мәдиев 2025 жылғы 2 сәуірде мәжіліс аясында Қазақстандағы SIM-карталардың айналымын қатаңдату мүмкіндігі туралы айтты, деп хабарлайды Zakon.kz.

Министр осы мәселеге байланысты нарықтан ұсыныстар жинайтынын атап өтті.

"Бұл мәселе әзірге түпкілікті қабылданған жоқ, талқылау деңгейінде. Біз үшінші тұлғалармен байланыс мәселесін және SIM-карталарды балаға беру немесе бермеу мәселесін қалай реттеу керектігін ескереміз. Әрине, қылмыстық жауапкершілік енгізу жоспарда жоқ. Бірақ кейбір әкімшілік айыппұлдар қарастырылуы мүмкін. Бұл әзірге пікірталас деңгейінде, айыппұл жайлы нақты мәлімдемелер мен сандар беруге әлі ерте. Біз бұл мәселелерді белсенді түрде талқылап жатырмыз, биыл да талқыланатын болады", – деді Жаслан Мәдиев.

Бұған дейін қазақстандықтардың енді өздеріне тіркелген SIM карталарын тексере алатындығы хабарланған болатын.