Алматыдағы аудандардың бірінде суық су өшіріледі

2025 жылғы 18 сәуірде Алматының Түрксіб ауданындағы кейбір тұрғын үйлер мен ғимараттарда суық су уақытша өшіріледі, деп хабарлайды Zakon.kz.

"Алматы су" кәсіпорнының хабарлауынша, ,ұл шектеу таңғы сағат 09:00-ден кешкі 17:00-ге дейін жалғасады.

Бұл шектеу жаңа су құбырын магистральдық желілерге қосу және технологиялық жабдықтарды жаңарту жұмыстарына байланысты енгізіледі.

Суық су болмайтын мекенжайлар:

• Спартак көшесі – Рихард Зорге көшесі – теміржол жолдары – Жансүгіров көшесі – Ержанов көшесі шеңберіндегі тұрғын үйлер мен басқа да нысандар;
• Әкімшілік ғимараттар: №50, №83, №59, №76 мектептер, №9 емхана, №1 БСПМ, №65 бөбекжай, "Карусель" балабақшасы, Түрксіб ауданы әкімдігі, "Алматы-1" вокзалы, аудандық ішкі істер бөлімі, ХҚКО.

Әлеуметтік нысандарға су автоцистерналар арқылы жеткізіледі.