Алматының Бостандық ауданында суық су уақытша өшіріледі

Алматының Бостандық ауданындағы бірқатар тұрғын үй мен нысанда суық су уақытша өшіріледі, деп хабарлайды Zakon.kz.

Бұл туралы 2026 жылғы 16 қыркүйекте қала әкімдігі мәлімдеді.

Әл-Фараби даңғылындағы Есентай өзені арқылы өтетін көпірді реконструкциялау аясында магистральдық су құбырын қайта төсеу жұмыстары жүргізіледі.

Осыған байланысты 18 қыркүйекте сағат 08:00-ден 22:00-ге дейін Тимирязев және Жароков көшелері, сондай-ақ Абай мен Әл-Фараби даңғылдары шектесетін аумақта су беру тоқтатылады.

Қала тұрғындарынан жүргізіліп жатқан жұмыстарға байланысты уақытша қолайсыздықтарға түсіністікпен қарауды сұрады.

Сондай-ақ 16-20 қыркүйек аралығында Алматыда LRT желісінің құрылысына байланысты Бауыржан Момышұлы көшесінің Зерделі шағынауданынан Дінмұхамед Қонаев атындағы мешітке дейінгі бөлігінде көлік қозғалысы шектелді.