Астанадағы көшелердің бірінде жөндеу жұмыстарына байланысты көлік қозғалысы бес күнге жабылады

Жөндеу жұмыстарына байланысты Астананың тағы бір көшесінде көлік қозғалысы бес күнге толығымен жабылады, деп хабарлайды Zakon.kz.

Орташа жөндеу жұмыстары Гаухартас көшесінде басталады.

Оның Телқоңыр көшесінен Тұран даңғылына дейінгі бөлігі 19-23 сәуір аралығында көлік қозғалысы үшін жабылады.

"Бұл ретте қозғалыс жақын жерде орналасқан көшелермен ұйымдастырылатын болады. Жүргізушілер мен жаяу жүргіншілерден маршруттарды алдын ала жоспарлауды және қозғалысты ұйымдастырудағы ықтимал өзгерістерді ескеруді сұраймыз. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылады".

Әкімдік осы өзгерістерге түсіністікпен қарауды және қала бойынша қозғалыстарды жоспарлау кезінде оларды алдын ала ескеруді ескертті.