Алимент қорын құру: Әділет министрі Қазақстан неліктен алимент қорын құрмауда екенін түсіндірді

2025 жылғы 21 сәуірде Әділет министрі Ерлан Сарсембаев Мәжілістегі Үкімет сағатында Қазақстанда неге мемлекеттік алимент қорын құрмайтынын түсіндірді, деп хабарлайды Zakon.kz.

Министрдің айтуынша, бұл мәселе бұған дейін де тиісті мемлекеттік органдармен бірлесіп қарастырылған. Алайда бұл бастама қолдау таппаған, себебі оны жүзеге асыру республикалық бюджетке үлкен салмақ түсіреді.

"Бұл алимент төлеуші адамдардың тарапынан масылдық көңіл күйге итермелеуі мүмкін. Егер мемлекет бұл шығындарды өз мойнына алатынын білсе, мұндай жағдайлар саны бірнеше есеге артуы ықтимал. Сондықтан бұл қорды енгізуге асықпау керек деген уәж бар. Бірақ менің ойымша, тәрбиелік мәні бар тәсілдерді, мәдениет пен сана-сезімді арттыру жолдарын іздеу керек. Өйткені отбасы – бұл жай ғана екі адамның одағы емес, бұл – балалары алдындағы жауапкершілік. Ересек азаматтар бұл жауапкершілікті саналы түрде қабылдап, ешкім әке мен ананың орнын толық алмастыра алмайтынын түсінуі тиіс", – деді Ерлан Сарсембаев.

Министр бұл мәселенің өте өзекті екенін атап өтті. Сондай-ақ, отбасы құндылығына тоқталып өтті.

"Өкінішке орай, бұрын халқымызға тән болған құндылықтар қазір жоғалып барады. Статистикаға сәйкес, әрбір екінші неке ажырасумен аяқталады. Бұл отбасыларға, ең алдымен, балаларға әсер етеді. Сондықтан бұл мәселе шынайы назар аударуды қажет етеді. Қазір назар аударуға тұрарлық негізгі көрсеткіштердің бірі – "қызыл" аймаққа енген 12 мың алимент төлеуші. Олармен нақты жұмыс жүргізілуде – жеке сот орындаушылары мен заңнамада көзделген тетіктер арқылы, оның ішінде әкімшілік және қылмыстық жауапкершілік те бар. Бірақ біз мұның түбегейлі шешім емес екенін түсінеміз", – деді министр.

Сарсембаевтың айтуынша, егер адам отбасын және өз балаларының құндылығын сезініп, түсінбесе, онда оны тек қана әкімшілік немесе қылмыстық жауапкершілік арқылы түзетуге болады деп үміттену – дұрыс емес.

"Бұл – шекті шара. Ол кей жағдайда қатал болуы мүмкін, бірақ мәселені түбегейлі шешпейді. Сондықтан партия атынан ұсынылған бұл бастама бірнеше рет қаралды, оның да өз артықшылықтары мен кемшіліктері бар, – деп түйіндеді Ерлан Сарсембаев.

Бұған дейін Қазақстандағы некенің жартысы ажырасумен аяқталып жатқандығы жайлы жазғанбыз.