Таразда құтқарушылар электр сымына шырмалған көгершінді аман алып қалды

Таразда құтқарушылар электр сымына ілініп қалған көгершінді құтқарды, деп хабарлайды Zakon.kz.

Төтенше жағдайлар министрлігінің хабарлауынша, Тараз құтқарушыларына ерекше қоңырау түскен.

"112 пультіне көгершіннің электр сымдарына оратылып, өздігінен шыға алмай жатқаны туралы хабарлама келіп түсті", - деп хабарлады ведомство.

Оқиға орнына ТЖМ жедел-құтқару жасағының қызметкерлері дереу барып, арнайы құралдардың көмегімен құсты босатты.