Спорт жаңалықтары 
Мамыр айының алғашқы күндері Қазақстанда ауа райы құбылмалы болады
Фото: unsplash
Таратылған ақпарат бойынша, мамыр айында жауын-шашын мөлшері республиканың басым бөлігінде нормадан аз болады деп болжануда.
Норма шамасында – республиканың солтүстік-батыс және солтүстік облыстарында, Қызылорда, Түркістан, Жамбыл облыстарының оңтүстігінде, Алматының оңтүстік-шығысында, Шығыс Қазақстан, Жетісу және Абай облыстарында сақталады.
Сондай-ақ, метеорологтардың мәліметінше, мамыр айының бірінші онкүндігінде республиканың оңтүстігі мен оңтүстік-батысында күн күркіреп, екпінді жел, шаңды дауыл күтіледі, тек жекелеген күндері республикада көшпелі бұлт шығады, жауын-шашын болмайды.
Ауа температурасының ауытқуы күтіледі:
- республиканың батысында түнде +4+9°C-тан +9+14°C-қа дейін, күндіз +15+20°C-тан +22+30°C-қа дейін;
- республиканың оңтүстік-батысында түнде +10+15°С-тан +12+20°C-қа дейін, күндіз +20+25°C-тан +25+33°C-қа дейін;
- Солтүстік-батыс, солтүстік, шығыс, Қазақстанның орталығында түнде 0,+5°С, аяз 1-6°С +8+15°С, күндіз +10+18°С-тан +23+30°С-қа дейін.
Республиканың оңтүстік жартысында ауа температурасының түнде +5+12°С-тан +15+20°C-қа дейін, күндіз +18+25°С-тан +28+35°C-қа дейін біртіндеп көтерілуі күтілуде.
"Мамырдың екінші және үшінші онкүндігінде республиканың басым бөлігінде ауа температурасы түнде +2+7°С-тан +10+15°С-қа дейін, күндіз +10+15°С-тан +25+30°С-қа дейін ауытқиды". "Қазгидромет" РМК баспасөз қызметі
Қосымша суық антициклонмен түнде белгілі бір күндерде 1-6°С дейін аяз болуы мүмкін екені айтылған.
Сонымен қатар, еліміздің оңтүстігі мен оңтүстік-шығысында ауа температурасы +28+36°С-қа дейін көтеріледі, бірақ ыстық күндер ауа температурасы +20+25°С болатын салқын күндерге ауысады.
Бұған дейін "Қазгидромет" 2025 жылдың 1 мамырына дауылды ескерту жариялаған болатын. Болжам бойынша, Қазақстанның бірқатар аймақтарында күн күркіреп, күн күркіреп, жел күшейеді.
